युएईले भन्यो– इरानी मिसाइल र ड्रोनको प्रतिकार गरिरहेका छौँ

काठमाडौं । संयुक्त अरब इमिरेट्स (युएई)ले इरानी क्षेप्यास्त्र र ड्रोनहरूको जवाफ दिइरहेको बताएको छ ।

युएईको रक्षा मन्त्रालयले आफ्नो वायु रक्षा प्रणालीले इरानबाट प्रहार गरिएका क्षेप्यास्त्र र ड्रोनहरूको प्रतिकार गरिरहेको बताएको हो । अधिकारीहरूका अनुसार इरानबाट आउने क्षेप्यास्त्र र ड्रोनहरूलाई रोक्न वायु रक्षा प्रणाली सक्रिय पारिएको छ । साथै, शहरका विभिन्न क्षेत्रहरूमा सुनिएका ठूला विस्फोट जस्ता आवाजहरू वायु प्रतिरक्षाले मिसाइल र ड्रोनहरूलाई सफलतापूर्वक खसालेको परिणाम रहेको मन्त्रालयले जनाएको छ ।

मध्यपूर्वमा जारी तनावमा इरानले धेरै खाडी देशहरूमा क्षेप्यास्त्र र ड्रोन आक्रमण गरिरहेको छ ।