टी–२० विश्वकपको उपाधिका लागि आज भारत र न्युजिल्याण्ड भिड्दै

काठमाडौं । टी–२० विश्वकपको फाइनल आज डिफेन्डिङ च्याम्पियन भारत र न्युजिल्याण्डबीच हुँदैछ ।

फाइनल खेल अहमदाबादको नरेन्द्र मोदी रंगशालामा नेपाली समयअनुसार साँझ ७ः१५ बजे सुरु हुनेछ । टस साँझ ६ः४५ बजे हुनेछ । यी दुई टोली फाइनलमा पहिलोपटक भिड्न लागेको हो ।

भारतीय टोलीले टी–२० विश्वकपको इतिहासमा न्युजिल्याण्डलाई हराउन सकेको छैन । दुई टोली तीन पटक आमनेसामने भएका छन् र भारतीय टोली तीनै पटक हारेको छ । साथै, आजसम्म न्युजिल्याण्डको टोलीले टी–२० विश्वकप जित्न पनि सकेको छैन ।

भारतीय टोली दुई पटक च्याम्पियन भइसकेको छ र चौथो फाइनल खेल्न लागेको हो । जारी विश्वकप भारतीय टोलीको प्रदर्शन उत्कृष्ट रहेको छ । आजको फाइनल खेल निकै रोमाञ्चक र प्रतिस्पर्धात्मक हुनेछ ।