आजबाट काठमाडौंमा मदिरा बिक्री वितरण गर्न नपाइने

काठमाडौं । यही फागुन २१ गते हुने प्रतिनिधिसभा निर्वाचनका लागि आजबाट काठमाडौंमा मदिरा बेचबिखनमा रोक लगाइएको छ ।

आज जिल्ला प्रशासन कार्यालय, काठमाडौंले सूचना प्रकाशित गर्दै राति १२ बजेदेखि चुनावको अन्तिम परिणाम घोषणा नभएसम्म मदिराको बिक्री विरतणमा प्रतिबन्ध लगाइएको जानकारी दिएको हो ।

‘काठमाडौँ जिल्लाभित्र मिति २०८२/११/१५ गते राति १२ बजेदेखि निर्वाचनको अन्तिम परिणाम घोषणा नभएसम्मका लागि मादक पदार्थको बिक्री वितरण, ओसारपसार तथा सेवनमा प्रतिबन्ध लगाइएको छ,’ सूचनामा भनिएको छ ।