काठमाडौं । सामसङले आफ्नो ग्यालेक्सी इनोभेसनको अर्को अध्याय ग्यालेक्सी अनप्याक्ड कार्यक्रममा सार्वजनिक गर्न तयारी गर्दैछ । कम्पनीका अनुसार यो अत्यन्तै प्रतीक्षित कार्यक्रम आज २५ फेब्रुअरी २०२६ मा राति ११ः४५ बजे विश्वव्यापी प्रत्यक्ष स्ट्रिमिङ (सामसङ डटकम)मार्फत हेर्न सकिनेछ ।
यस कार्यक्रममा ब्रान्डका मोबाइल प्रविधिमा भएका नवीनतम प्रगतिहरू प्रदर्शन गरिनेछन्, जसले प्रयोगकर्ताहरूलाई दैनिक जीवन सहज बनाउन डिजाइन गरिएका बुद्धिमान, एआई समर्थित अनुभवहरूको नयाँ युग प्रस्तुत गर्नेछ । ग्यालेक्सी अनप्याक्ड सधैं नवीनतम आविष्कारहरूको मञ्च रहिआएको छ, र यस वर्ष पनि यसले अत्याधुनिक डिजाइन, शक्तिशाली प्रदर्शन, र स्मार्ट इकोसिस्टम इंटिग्रेशन मार्फत आफ्नो परम्परा निरन्तरता दिने वाचा कम्पनीले गरेको छ ।
आगामी लन्चबारे टिप्पणी गर्दै सामसङ एमएक्स डिभिजनका डाइरेक्टर प्रणयरत्न स्थापितले भने, “ग्यालेक्सी अनप्याक्डले हाम्रो अर्थपूर्ण नवप्रवर्तन प्रति प्रतिबद्धताको प्रतिनिधित्व गर्दछ, जसले दैनिक जीवनलाई अझ सहज बनाउँछ । यस लन्चबाट हामी यस्तो प्रविधि प्रस्तुत गर्न उत्साहित छौँ, जुन केवल शक्तिशाली नभई प्रयोगकर्ताहरूको आवश्यकतासँग बुद्धिमानीपूर्वक अनुकूलन गर्छ, र उनीहरूको अनुभवलाई पहिलेभन्दा अझ सहज, जोडिएको, र व्यक्तिगत बनाउँछ ।”
प्रत्यक्ष स्ट्रिमिङ हुने यो कार्यक्रम सम्पूर्ण नेपालभरका दर्शकहरूले पहुँच गर्न सक्नेछन्, जसले गर्दा दर्शकहरू ग्यालेक्सी नवप्रवर्तनको भविष्यलाई अनफोल्डिङ हुँदै गरेको हेर्ने अवसर प्राप्त गर्नेछन् ।
प्रतिक्रिया