सलीम खानको भेन्टिलेटरमा राखेर उपचार हुँदै

काठमाडौं । बलिउडका दिग्गज लेखक सलीम खान अस्पताल भर्ना भएका छन् । अभिनेता सलमान खानका बुवासमेत रहेका सलीम मंगलबार मुम्बईको लिलावती अस्पतालमा भर्ना भएका हुन् ।

चिकित्सकले उनको अवस्था स्थिर रहेको बताएका छन् । यद्यपि, हिजो राति अबेर सलीमलाई भेन्टिलेटरमा राखेर उपचार सुरु गरिएको बताइएको छ ।

सलमान गएराति राति अबेर अस्पताल पुगेका थिए । जावेद अख्तरले आज बिहान अस्पताल पुगेर सलीमलाई भेटेका थिए । सलीमलाई भेटेपछि उनी निकै चिन्तित देखिएको भारतीय सञ्चारमाध्यमहरूले जनाएका छन् ।

सलीमको शल्यक्रियाको तयारी भइरहेको समाचारमा उल्लेख छ ।