काठमाडौँ । आईसीसी टी–२० विश्वकप २०२६ अन्तर्गत आज नेपाल र वेस्ट इन्डिज भिड्दै छ । यो खेल मुम्बईको वानखेडे स्टेडियममा बिहान ११ः१५ बजेदेखि सुरु हुनेछ । दुवै टोली आज जित निकाल्ने लक्ष्यसाथ मैदान उत्रिनेछ ।
नेपालले यसअघिका आफ्ना दुवै खेल हारेकाले यो खेलमा जित आवश्यक रहेको छ ।
त्यस्तै, वेस्ट इन्डिजले यसअघिका आफ्ना दुवै खेल जितेर विश्वकपमा शानदार सुरुवात गरेको छ ।
जारी विश्वकपमा नेपाल पहिलो जितको खोजीमा रहेको छ । आफ्नो पहिलो खेलमा इंग्ल्यान्डसँग ४ रनको झिनो हार बेहोरेको नेपाल दोस्रो खेलमा इटालीसँग १० विकेटले पराजित भएको थियो ।
यस्तै, आजै हुने खेलमा दिउँसो नामिबिया र अमेरिका तथा साँझमा भारत र पाकिस्तान भिड्नेछ ।
प्रतिक्रिया