टी–२० विश्वकप : भारत–पाकिस्तान भिड्ने पक्का, श्रीलंकाली राष्ट्रपतिसँगको वार्तापछि शाहबाज सरकार सहमत

काठमाडौं । जारी टी–२० विश्वकपअन्तर्गत फेब्रुअरी १५ मा भारत र पाकिस्तानबीच खेल हुने पक्का भएको छ ।

पाकिस्तान सरकारले सोमबार राति आफ्नो ट्वीटर (एक्स)मा एक पोस्टमार्फत भारतविरुद्ध खेल हुने पुष्टि गरेको हो ।

पोस्टमा श्रीलंकाका राष्ट्रपति अनुरा कुमारा दिसानायकेले पाकिस्तानका प्रधानमन्त्री शाहबाज शरीफलाई फोन गरेर भारत विरुद्धको खेल खेलाउन अपील गरेको उल्लेख छ ।

बंगलादेशलाई टी–२० विश्वकपबाट बाहिर राखिएको विरोधमा पाकिस्तानले फेब्रुअरी १ ​​मा भारत विरुद्धको खेल बहिष्कार गर्ने घोषणा गरेको थियो ।