काठमाडौं । पाकिस्तानले टी–२० विश्वकप २०२६ को सुरुवात जितका साथ गरेको छ ।
शनिबार कोलम्बोको सिंहलीज स्पोर्ट्स क्लबमा भएको प्रतियोगिताको पहिलो खेलमा पाकिस्तानले नेदरल्याण्ड्सलाई रोमाञ्चक रूपमा ३ विकेटले पराजित गर्यो ।
यस खेलमा नेदरल्याण्ड्सले १४७ रन बनाएको थियो । १८ औं ओभरसम्ममा पाकिस्तानी टोली हारको संघारमा थियो तर १९ औं ओभरमा फहीम अशरफले ३ छक्का र १ चौका प्रहार गर्दै टोलीलाई पुनरागमन गराए । पाकिस्तानले २० औं ओभरमा लक्ष्य हासिल गर्यो ।
अशरफले ११ बलमा अविजित २९ रन बनाए, चौका प्रहार गर्दै जित सुनिश्चित गरे । उनी बाहेक ओपनर साहिबजादा फरहानले ४७ रन बनाए, तीन रनले आफ्नो अर्धशतक बनाउन चुके । साईम अयुबले २४ रन बनाए ।
नेदरल्याण्ड्सका लागि पल भान मीकेरेन र आर्यन दत्तले दुई/दुई विकेट लिए ।
टस हारेर पहिले ब्याटिङ गरेको नेदरल्याण्ड्स १९.५ ओभरमा १४७ रनमा अलआउट भयो, जसमा कप्तान स्कट एडवर्ड्सले सर्वाधिक ३७ रन बनाएका थिए ।
पाकिस्तानका लागि सलमान मिर्जाले सर्वाधिक तीन विकेट लिए ।
प्रतिक्रिया