एमाले सचिवालय बैठक जारी

काठमाडौं । नेकपा (एमाले)को सचिवालय बैठक बसिरहेको छ । बैठक केहीबेर अघि पार्टी केन्द्रीय कार्यालय च्यासलमा सुरु भएको हो ।

बैठकको मुख्य एजेण्डा आगामी फागुन २१ गतेका लागि तय भएको प्रतिनिधि सभा सदस्य निर्वाचनका लागि समानुपातिकतर्फको बन्द सूचीलाई अन्तिम रूप दिने रहेको छ ।

निर्वाचन आयोगले तोकेको कार्यतालिका अनुसार आज र भोलिभित्रै राजनीतिक दलहरूले ११० जना उम्मेदवारहरूको बन्द सूची बुझाइसक्नुपर्ने भएकाले एमालेले आजको बैठकबाट यसलाई टुंगो लगाउन लागेको हो । बैठकले समानुपातिक सूचीका अतिरिक्त महाधिवेशनबाट निर्वाचित नयाँ केन्द्रीय कमिटीका नेताहरूको कार्य विभाजन समेत टुंग्याउने बताइएको छ ।