एमाले सचिवालय बैठक २ बजेलाई सर्‍यो

काठमाडौं । नेकपा (एमाले)को सचिवालय बैठकको समय सरेको छ । बिहान ११ बजे तय भएको बैठक दिउँसो २ बजेलाई सारिएको हो ।

आजको बैठकको मुख्य एजेण्डा आगामी फागुन २१ गतेका लागि तय भएको प्रतिनिधि सभा सदस्य निर्वाचनका लागि समानुपातिकतर्फको बन्द सूचीलाई अन्तिम रूप दिने रहेको छ ।

निर्वाचन आयोगले तोकेको कार्यतालिका अनुसार आज र भोलिभित्रै राजनीतिक दलहरूले ११० जना उम्मेदवारहरूको बन्द सूची बुझाइसक्नुपर्ने भएकाले एमालेले आजको बैठकबाट यसलाई टुंगो लगाउन लागेको हो । बैठकले समानुपातिक सूचीका अतिरिक्त महाधिवेशनबाट निर्वाचित नयाँ केन्द्रीय कमिटीका नेताहरूको कार्य विभाजन समेत टुंग्याउने बताइएको छ ।