सिन्धुलीको धुरा बजार क्षेत्रमा कर्फ्यु जारी

सिन्धुली । सिन्धुलीको धुरा बजार क्षेत्रमा कर्फ्यु आदेश जारी गरिएको छ ।

जिल्ला प्रशासन कार्यालय सिन्धुलीले कमलामाई नगरपालिकाको धुरा क्षेत्रमा कर्फ्यू आदेश जारी गरेको हो ।

पुस ६ गते कमलामाई नगरपालिका–४ धुरा बजारमा भएको घटनालाई लिएर स्थानियबासीबाट ढुङ्गा मुढा प्रहार तथा हुलदङ्गा लगायतका अवाञ्छित गतिविधि भएका कारण जिल्लाको शान्ति भङ्ग भई सुरक्षा व्यवस्थामा खलल पुग्ने अवस्था देखिएकोले कर्फ्यू आदेश गरिएको प्रमुख जिल्ला अधिकारी स्किम श्रेष्ठले सूचनामा उल्लेख गरेका छन् ।

कमलामाई नगरपालिका–४ भित्रको पूर्वमा– ग्वाङ खोला, पश्चिममा– मदन भण्डारी राजमार्ग, उत्तरमा–कुमल फाँट र दक्षिणमा– धुराबजार चोक भित्र अहिले साँझ ८ः३० देखि शुक्रबार बिहान ६ बजेसम्मका लागि कर्फ्यू आदेश जारी गरिएको हो।