प्रधानमन्त्री कार्की र जाँचबुझ आयोगबीच छलफल

काठमाडौं । भदौ २३ र २४ गते भएका घटनाको अनुसन्धानका लागि गठित जाँचबुझ आयोगका पदाधिकारीले प्रधानमन्त्री सुशीला कार्कीसँग भेटवार्ता गरेका छन्। सिंहदरबारमा भएको भेटमा आयोगले काम सम्पन्न गर्न एक महिनाको समय थप आवश्यक रहेको जानकारी गराएको छ।

आयोगका अध्यक्ष गौरीबहादुर कार्कीले छलफलपछि आगामी साताबाट राजनीतिक दलका नेताहरूसँग बयान लिने तयारी भइरहेको बताए।

मन्त्रिपरिषद्को असोज ५ गतेको निर्णयअनुसार घटनाको छानबिनका लागि उच्चस्तरीय न्यायिक आयोग गठन गरिएको थियो।