‘अखण्ड २’ को पहिलो टिकट १ लाख रुपैयाँमा बिक्रि

काठमाडौं । फिल्म ’अखण्ड २’ रिलिज नजिकिँदै छ । यो डिसेम्बर ५ मा थिएटरहरूमा लाग्नेछ । यसअघि, जर्मनीमा हालै आयोजित लिलामीमा, नन्दमुरी बालकृष्णका एक कट्टर प्रशंसकले सामाजिक सञ्जालमा चर्चा बटुल्ने काम गरे । उनले फिल्मको पहिलो टिकट १ लाख रुपैयाँमा किनेका थिए ।

नन्दमुरी बालकृष्णलाई भारतमा मात्र नभई विदेशमा पनि दर्शकहरूबाट अपार माया मिल्छ । उनको आगामी फिल्म ’अखंड २’ को लागि, जर्मनीमा आयोजित लिलामीमा एक कट्टर प्रशंसकले फिल्मको पहिलो टिकट १ लाख रुपैयाँमा किनेका थिए । कार्यक्रम फिल्मको वितरक, तारका रामा इन्टरटेनमेन्टद्वारा आयोजना गरिएको थियो ।

तारक रामा इन्टरटेनमेन्टले सामाजिक सञ्जालमा एउटा भिडियो पोस्ट गरेको छ, जसमा एक फ्यानले टिकट किनेको देखाइएको छ । पोस्टसँगैको क्याप्सनमा अखण्ड २ को पहिलो टिकट खरिद गर्न पाँच क्षेत्रका फ्यानहरूका लागि लिलामी गरिएको उल्लेख छ ।

यसले तेलुगु फिल्मको लागि अहिलेसम्मकै उच्च मूल्यमा जर्मनीमा फिल्मको अधिकार खरिद गरिएको दाबी पनि गरेको छ ।

टिकट खरिद गरेपछि, नन्दमुरीका फ्यानले भने, “म संसारको जुनसुकै ठाउँमा बसे पनि, सबैतिर बालय्याको फ्यान हुँ । यो टिकट किनेकोमा मलाई गर्व लाग्छ ।“ नन्दमुरीलाई उनका फ्यानहरूमाझ “मन बालय्या“ भनेर चिनिन्छ । अभिनेताका फ्यानहरूले पनि कटआउट र ब्यानरहरू राखेर बालकृष्णका फिल्महरूको रिलिज मनाएको बताए ।