कर्णालीलाई हराउँदै सुदूरपश्चिमको लगातार तेस्रो जित

काठमाडौं, ८ मंसिर । नेपाल प्रिमियर लिग अन्तर्गत आज भएको डे–नाइट वेस्टर्न डर्बी म्याचमा सुदुरपश्चिमले कर्णालीलाई पराजित गरेको छ ।

सुदूरपश्चिमले कर्णालीलाई ४५ रनले पराजित गरेको हो । टीयू क्रिकेट मैदानमा भएको खेलमा कप्तान दीपेन्द्र सिंह ऐरीले सानदार बलिङ गर्दै ४ विकेट लिएपछि सुदूरको जित पक्का भएको हो ।

एनपिएलमा सुदूरको यो लगातार तेस्रो जित हो । १४० रनको लक्ष्य पछ्याएको कर्णाली ५ बल बाँकी छँदै ९४ रनमा अलआउट भयो । कर्णालीका लागि पवन र्सारफले सर्वाधिक २७ र मार्क वाटले १७ रन बनाए ।