एमालेमा फर्किएका नेताहरूलाई महाधिवेशन प्रतिनिधि बनाइने

काठमाडौं, ४ मंसिर । नेकपा (एमाले) ले ‘घर फर्क अभियान’मार्फत हालै पार्टीमा आएका नेताहरूलाई महाधिवेशन प्रतिनिधि बनाउने निर्णय गरेको छ।

आज बसेको बैठकले पहिले एमालेमै रहेर पछि बाहिरिएका र अहिले पुनः फर्किएका नेताहरूलाई प्रतिनिधित्व दिने बताएको हो। उपमहासचिव प्रदीप ज्ञवालीका अनुसार पूर्व केन्द्रीय समितिमा रहेका नेताहरूले पुनः त्यही हैसियत पाउनेछन्।

हालै रामकुमारी झाँक्री, किसान श्रेष्ठलगायतका नेताहरू एमालेमा फर्किएका छन्।