युक्रेनको कब्जामा रहेका दुई नेपाली आज स्वदेश फर्किँदै

काठमाडौं, ३ असोज । रूसको पक्षबाट लडाईँमा सहभागी हुँदा युक्रेनको कब्जामा परेका दुईजना नेपाली आज स्वदेश फर्कँदै छन् । युक्रेनको कब्जामा रहेका रौतहटका जयप्रकाश साह र बागलुङका सन्देश केसीलाई स्वदेश फर्काइएको हो ।

परराष्ट्र मन्त्रालयका अनुसार उनीहरूलाई जर्मनीस्थित नेपाली दूतावासको समन्वयमा उद्धार गरिएको हो। उद्धारमा युक्रेनको सीमा सुरक्षा कार्यालय, एनआरएन जर्मनी र अन्य निकायले सहयोग गरेका छन्।

मन्त्रालयले विदेशी यात्रा गर्दा सम्बन्धित देशको कानुन पालना गर्न आग्रह गर्दै, अवज्ञा गर्दा लामो समयसम्म थुनामा पर्नुपर्ने वा ज्यानसमेत जोखिममा पर्ने चेतावनी दिएको छ।