कृषि विकास बैंकको अध्यक्षमा डिमप्रसाद पौडेल

काठमाडौं, ११ भदौ । कृषि विकास बैंकको सञ्चालक समितिको अध्यक्षमा डिमप्रसाद पौडेल चयन भएका छन् । बैंक सञ्चालक समितिको अध्यक्ष बन्नेगरी उनलाई अर्थ मन्त्रालयले सञ्चालकमा नियुक्त गरेको थियो ।

सञ्चालक समितिको आज बसेको बैठकले पौडेललाई अध्यक्ष चयन गरेको हो ।

पौडेलले यसअघि नेपाल वायुसेवा निगमका पूर्वमहाप्रबन्धकको जिम्मेवारी सम्हालिसकेका छन् । पौडेलसँग निजी क्षेत्रका राष्ट्रिय तथा बहुराष्ट्रिय कम्पनीहरूको नेतृत्व गरेको २५ वर्ष भन्दा लामो व्यावसायिक अनुभव छ ।