कुमारी बैंकको नाफा ४५ हजार प्रतिशतले बढ्यो

काठमाडौं, २२ साउन । कुमारी बैंक लिमिटेडले गत आर्थिक वर्षमा नाफा आर्जनमा उल्लेख्य प्रगति गरेको छ ।

बैंकले सार्वजनिक गरेको गत आर्थिक वर्षको चौथो त्रैमासिक वित्तीय विवरण अनुसार बैंकको खुद नाफा अघिल्लो आवको अन्त्यसम्म ४६ लाख ८ हजार रुपैयाँ मात्रै रहेकोमा गत आवको अन्त्यसम्म ४५ हजार ८२९.०१ प्रतिशतले बढेर २ अर्ब ११ करोड ६४ लाख ९ हजार रुपैयाँ पुगेको छ ।

अघिल्लो आवको असार मसान्तमा बैंकले इम्पेरमेन्ट चार्ज ६ अर्ब ८४ करोड १४ लाख १० हजार रुपैयाँ रहेको थियो । गत आवको असार मसान्तसम्म २ अर्ब ७९ करोड ६२ लाख ४१ हजार रुपैयाँ रहेको छ । बैंकको खुद ब्याज आम्दानी ६.९५ प्रतिशतले बढेर ११ अर्ब ५५ करोड ४३ लाख ९४ हजार रुपैयाँ पुगेको छ ।

यस्तै, सञ्चालन नाफा ५२९.८७ प्रतिशतले बढेर ६ अर्ब १३ करोड ४४ लाख ९१ हजार रुपैयाँ रहेको छ । बैंकको वितरणयोग्य नाफा भने २ अर्ब ७९ करोड ४० लाख २० हजार रुपैयाँ ऋणात्मक रहेको छ ।

बैंकको प्रतिसेयर आम्दानी ०.२ पैसाबाट बढेर ८ रुपैयाँ ७ पैसा पुगेको छ भने प्रतिसेयर नेटवर्थ १४२ रुपैयाँ १९ पैसा रहेको छ ।

२६ अर्ब २२ करोड ५८ लाख ६१ हजार रुपैयाँ चुक्ता पुँजी रहेको बैंकको जगेडा कोषमा १३ अर्ब ८५ करोड ७९ लाख २५ हजार रुपैयाँ रहेको छ । ३ खर्ब ६४ अर्ब ६३ करोड ९१ लाख ६१ हजार रुपैयाँ निक्षेप संकलन गरेको बैंकले २ खर्ब ६० अर्ब ९४ करोड ८३ लाख ९८ हजार रुपैयाँ कर्जा लगानी गरेको छ ।