च्यासलमा एमाले जनसंगठनको विस्तारित भेला सुरु (तस्वीरहरु)

काठमाडौं, २६ असार । नेकपा (एमाले)को विधान महाधिवेशनको सन्दर्भमा आयोजित जनसंगठनहरुको बैठक पार्टी केन्द्रीय कार्यलय च्यासलमा सुरु भएको छ ।

केहीबेरअघिबाट सुरु भएको बैठकमा पार्टीका २३ वटै जनसंगठनका इन्चार्ज र अध्यक्षसहित पदाधिकारीहरु सहभागी छन् ।

आगामी भदौको अन्तिम साता हुने विधान महाधिवेशनको तयारीका लागि जनसंगठनको भेला बोलाइएको हो ।

जनसंगठन संयन्त्रका प्रमुख भानुभक्त ढकालका अनुसार भदौको २० देखि २२ गतेसम्म हुने विधान महाधिवेशनको तयारीका लागि जनसंगठनको कामको प्रकृति अनुसार विविध जिम्मेवारी प्रदान गरिनेछ ।

भेलालाई महासचिव शंकर पोखरेलले विशेष निर्देशन गर्ने बताइएको छ ।