डोनाल्ड ट्रम्पको घोषणापछि इरानी विदेशमन्त्रीले भने– इजरायलसँग कुनै अन्तिम युद्धविराम भएको छैन

काठमाडौं, १० असार । इरानका विदेशमन्त्री सईद अब्बास अराघचीले इजरायलसँग अहिलेसम्म कुनै पनि अन्तिम युद्धविराम सम्झौता नभएको बताएका छन् ।

मंगलबार बिहान अमेरिकी राष्ट्रपति डोनाल्ड ट्रम्पले इरान र इजरायलबीच युद्धविराम भएको घोषणा गरेपछि इरानी विदेशमन्त्रीले अहिलेसम्म अन्तिम युद्धविराम सम्झौता नभएको बताएका हुन् ।

सामाजिक सञ्जाल एक्समा लेख्दै विदेशमन्त्री अब्बासले इजरायलले इरानीहरूमाथिको अवैध आक्रमण रोक्यो भने इरानले इजरायल विरुद्ध बदला लिने छैन पनि भनेका छन् ।

“हाम्रो सैन्य कारबाही रोक्ने बारे अन्तिम निर्णय पछि गरिनेछ ।” इरानी विदेशमन्त्री अब्बासले लेखेका छन् ।

उनले सबै इरानी सुरक्षा बलहरूलाई धन्यवाद पनि दिएका छन् जो आफ्नो देशको रक्षाका लागि लागिपरिरहेका छन् ।