कपिलवस्तुमा चट्याङ लागेर महिलाको मृत्यु

– कृष्ण पौडेल

कपिलवस्तु, ४ असार । कपिलवस्तुमा चट्याङ लागेर एकजना महिलाको मृत्यु भएको छ ।

जिल्लाको विजयनगर गाउँपालिका-५ नौरंगिया बस्ने अन्दाज ४०/४५ वर्षीय जन्ममति यादवको चट्याङले मृत्यु भएको इलाका प्रहरी कार्यालय गणेशपुरका प्रहरी निरीक्षक हर्ष बहादुर चन्दले जानकारी दिए ।

डालपुर-नयाँबस्ती गाउँ नजिकै खेतमा भैंसी चराउने क्रममा बुधबार करिब साढे ५ बजेतिर अचानक चट्याङ लाग्दा घटनास्थलमै यादवको मृत्यु भएको उनले बताएका छन् ।

शवलाई पोष्टमार्टमका लागि शिवराज अस्पताल बहादुरगञ्ज लगिएको छ ।