भिजिट भिसा प्रकरण : अध्यागमनका ८ जना कर्मचारीको सरुवा

काठमाडौं, ९ जेठ । भिजित भिसामा मुछिएका विमानस्थलस्थित अध्यागमन कार्यालयमा कार्यरत ८ जना कर्मचारीको सरूवा गरिएको छ ।

गृह मन्त्रालयले सरुवा हुनेमा नायम सुब्बा प्रेमप्रसाद पौडेललाई जिल्ला प्रशासन कार्यालय काठमाडौँ, नायब सुब्बा वीरभद्र जोशी जिल्ला प्रशासन कार्यालय काठमाडौँ, नायब सुब्बा नरबहादुर थापा जिल्ला प्रशासन कार्यालय बाँकेमा सरुवा भएका छन्।

त्यस्तै कम्प्युटर अपरेटरहरू उदेन सुवेदी, प्रदीपकुमार यादव, पवन गुरुङ, धनराज उपाध्याय र सहायक कम्प्युटर कमला श्रेष्ठलाई कारागार व्यवस्थापन विभाग वा अन्तर्गतका कार्यालयमा सरुवा गरिएको छ।

यसअघि गृह मन्त्रालयका सहसचिव तीर्थराज भट्टराईलाई अख्तियार दुरुपयोग अनुसन्धान आयोगले नियन्त्रणमा लिई बयान लिइसकेको छ। उनको पनि यसअघि नै गृहमन्त्रालयमा सुरूमा भइसकेको छ ।