पाकिस्तानी आइएसआईको एजेण्टको आरोपमा भारतमा नेपाली नागरिक पक्राउ

काठमाडौं, ८ जेठ । भारतमा एकजना नेपाली नागरिक पक्राउ परेका छन् ।

पाकिस्तानी गुप्तचर एजेन्टको आरोपमा नेपाली नागरिक अन्सरुल मियाँ अन्सारी  दिल्लीमा पक्राउ परेका हुन् । हालसम्म नेपाली मियाँसहित २१ जना आइएसआइ एजेण्ड पक्राउ परेका भारतीय सञ्चारमाध्यमले जानकारी दिएको छ ।

नेपाली नागरिक मियाँले आफू कतारमा क्याब चालकको रूपमा काम गरेको सोही सिलसिलामा आइएसआइसँग सम्पर्क भएको बयान दिएको दाबी गरिएको छ ।

दिल्ली प्रहरीका अधिकारीहरूका अनुसार, संवेदनशील तथ्याङ्क सङ्कलन र प्रसारण गर्ने निर्देशनमा अन्सारुल नेपाल हुँदै भारत प्रवेश गरेका थिए । पक्राउ पर्दा उनी पाकिस्तान यात्रा गर्ने प्रयास गरिरहेको बताइएको छ ।