महायज्ञका लागि दलितको घर भत्काएको आरोपमा पालिका अध्यक्ष र पूर्ववडाध्यक्ष पक्राउ

सिराहा, ८ चैत । सिराहाको औरही गाउँपालिकाका अध्यक्ष शिवजी यादव र पूर्ववडाध्यक्ष दिलिप यादवलाई प्रहरीले पक्राउ गरेको छ ।

महायज्ञका लागि भन्दै औरही गाउँपालिकाका ५ का दीपक मल्लिकको घर भत्काएको आरोपमा उनीहरूलाई पक्राउ गरेको हो ।

अगामी चैत १७ गतेदेखि सुरु हुने महायज्ञ स्थलमा रहेको मल्लिकको घरमा फाल्गुन १० गते डोजर लगाएर बजरंगी बाबाको सल्लाहमा गाउँपालिका अध्यक्ष यादवले भत्काएका थिए ।