काठमाडौंमा बयान सकेर छविलाल जोशीलाई पोखरा लगियो, भोलि रविलाई ल्याइने

काठमाडौं, ७ मंसिर । काठमाडौंको कालिमाटीस्थित स्वर्णलक्ष्मी सहकारी ठगी प्रकरणको अनुसन्धानका लागि पोखराबाट काठमाडौं ल्याइएका पूर्व डीआईजी छविलाल जोशीलाई पोखरा पठाइएको छ ।

आज उनको बयान सकिएसँगै पोखरा पठाइएको हो । प्रहरी र जिल्ला सरकारी वकिल कार्यालयले उनीसँग बयान लिएको थियो ।

सहकारी ठगी प्रकरणमै पक्राउ परेर कास्की प्रहरीको हिरासतमा रहेका राष्ट्रिय स्वतन्त्र पार्टीका सभापति रवि लामिछानेलाई पनि अब बयानका लागि काठमाडौं ल्याइने छ ।

लामिछानेलाई भोलि काठमाडौं ल्याइने बताइएको छ ।