काठमाडौं, ५ मंसिर । कामना सेवा विकास बैंक र ट्रस्ट माइक्रो इन्स्योरेन्सबीच एक समझदारीपत्रमा हस्ताक्षर भएको छ । यसले बैंकका ग्राहकहरूलाई उच्च गुणवत्ता सेवा र सुलभ प्रिमियमको सुविधा प्रदान गर्नेछ । यस सम्झौतामा बैंकका ग्राहकहरूले ट्रस्ट माइक्रो इन्स्योरेन्सका सुविधाजनक बीमा सेवा प्राप्त गर्न सक्नेछन् ।
कार्यक्रममा कामना सेवा विकास बैंकका उप-महाप्रबन्धक हरिप्रसाद लाम्साल र ट्रस्ट माइक्रो इन्स्योरेन्सका सीईओ उज्वल ढुंगानासहितका प्रतिनिधिहरू उपस्थित थिए । यस सहकार्यले बैंकका ग्राहकहरूको सम्पत्ति सुरक्षा सुनिश्चित गर्ने र उनीहरूलाई बीमा सम्बन्धी जानकारी र सुविधा थप प्रदान गर्ने लक्ष्य राखेको छ ।
कामना सेवा विकास बैंक र ट्रस्ट माइक्रो इन्स्योरेन्सको यो सहकार्यले नेपालको वित्तीय क्षेत्र र बीमा क्षेत्रमा नयाँ अवधारणा कायम गर्ने विश्वास लिएको छ । यस समझदारी पत्रले ग्राहकहरूको विश्वास जित्न र उनीहरूको आवश्यकता अनुसार सेवाहरू प्रदान गर्न थप मद्धत पुर्याउनेछ । यस सम्झौताले ग्राहकहरूलाई सुलभ र सहज बीमा सेवा उपलब्ध गराउनका साथै ट्रस्ट माइक्रो इन्स्योरेन्सको सेवा दायरा पनि वृद्धि गर्ने अपेक्षा गरिएको छ ।
प्रतिक्रिया