काठमाडौं, १४ कार्तिक । साफ महिला च्याम्पियनसिपको उपाधि नजिक पुगेर नेपाल पराजित भएको छ ।
आज दशरथ रंगशालामा भएको फाइनल खेलमा नेपाल बंगलादेशमा २–१ ले पराजित भएको हो । पराजित भएसँगै नेपाली खेलाडीहरूले मैदानमै आँसु झारेका थिए ।
दिनभरका मुख्य–मुख्य समाचारका हेडलाइनहरू–
१. घरेलु मैदानमै नेपाल स्तब्ध : नेपाललाई स्तब्ध पार्दै बंगलादेशले जित्यो साफ महिला च्याम्पियनसिको उपाधि ।
२. प्रधानमन्त्रीको सान्त्वना : साफ महिला च्याम्पियनसिमा नेपाल बंगलादेशसँग पराजित भएपछि प्रधानमन्त्रीले भने– नेपाली खेलाडीले उत्कृष्ट खेले, अब अर्को तयारी जित्नेगरी हुन्छ ।
३. पूर्वमुख्यसचिवलाई सफाइ : पूर्वमुख्यसचिव वैकुण्ठ अर्यालले पाए भ्रष्टाचार मुद्दामा सफाइ, विकल पौडेल र सफल श्रेष्ठ दोषी ठहर ।
४. एकताबाट वाक्क भएका प्रचण्ड : अब आफैँ बदलिने र कम्युनिस्ट विचारधारमा हिँड्ने संकल्प गर्न आवश्यक रहेको बताउँदै एकताको कुरा धेरै गरेर नहुने माओवादी अध्यक्ष प्रचण्डको भनाइ ।
५. झुठा मुद्वा लगाइएको निष्कर्ष : साझेदार ठग हुँदैमा सबै ठग नहुने भन्दै रविलाई झुटा मुद्दा लगाइएको राष्ट्रिय स्वतन्त्र पार्टीको निष्कर्ष ।
६. होला छानबिन ? : काँग्रेस उपसभापति धनराज गुरूङमाथि पनि छानबिन हुने गृहमन्त्री रमेश लेखकको भनाइ ।
७. गृहमन्त्रीको स्पष्टोक्ति : प्रतिशोध साँधेरे कसैलाई पक्राउ नगरिएको गृहमन्त्रीको स्पष्टोक्ति ।
८. देश डुब्यो : देश कसरी डुब्यो हेर्न मन भए सिंहदरबार वैद्यखाना हेरे पुग्ने काठमाडौं महानगरपालिकाका मेयर बालेन शाहको भनाइ ।
९. कारण देखाउ : एन्फाले नेपाल र बंगलादेशबीचको खेलको टिकट बिक्रीको जिम्मेवारी खोसेको विषयमा माउन्ट एभरेस्ट एन्ड इभेन्ट्स प्रालिले दायर गरेको रिटमा उच्च अदालतद्वारा कारण देखाऊ आदेश जारी ।
१०. विरोधको नयाँ तरिका : राष्ट्रिय स्वतन्त्र पार्टीले सभापति रवि लामिछानेको पक्राउविरूद्व रचनात्मक विरोध स्वरूप देउसी–भैलोलाई प्रयोग गर्ने ।
१०. विरोधको नयाँ तरिका : राष्ट्रिय स्वतन्त्र पार्टीले सभापति रवि लामिछानेको पक्राउविरूद्व रचनात्मक विरोध स्वरूप देउसी–भैलोलाई प्रयोग गर्ने ।
११. लम्सालको नाम अनुमोदन : बेल्जियमको राजदूतमा सेवा लम्सालको नाम अनुमोदन ।
१२. तिहारको दोस्रो दिन : तिहारको दोस्रो कागको पूजा गरेर कागतिहार मनाइयो ।
१३. सर्वोच्चको आदेश : वैदेशिक रोजगार बोर्डका कार्यकारी निर्देशकलाई हटाउने निर्णय कार्यान्वयन नगर्न सर्वोच्चको अन्तरिम आदेश ।
१४. १०१ काम : लुम्बिनी प्रदेश सरकारको १०० दिनको १०१ उपलब्धि सार्वजनिक ।
१५. नइम बने प्रमुख : नइम कासिम हिजबुल्लाहका नयाँ प्रमुख नियुक्त ।
प्रतिक्रिया