काठमाडौं, २ असोज । उत्तर कोरियाले फेरि अज्ञात ब्यालेस्टिक मिसाइल प्रहार गरेको छ ।
दक्षिण कोरियाको संयुक्त चिफ अफ स्टाफ (जेसीएस)ले उत्तर कोरियाले ब्यालेष्टिक मिसाइल प्रक्षेपण गरेको जानकारी दिनुभएको छ । दक्षिण कोरियाले यो घटनाको विश्लेषण भइरहेको जनाएको छ । यसअघि सेप्टेम्बर १२ मा उत्तर कोरियाले ६०० एमएमको मल्टिपल रकेट लन्चरको परीक्षण गरेको थियो ।
मिडिया रिपोर्टकाअनुसार उत्तर कोरियाली नेता किम जोङ उनले अगस्टमा कोरियाली प्रायद्वीपमा बढ्दो तनावको बीचमा युद्धको तयारी बढाउन थप आत्मघाती ड्रोनको विकास र उत्पादन गर्न आह्वान गर्नुभएको थियो ।
अगस्ट २४ मा किम जोङ उनको रेखदेखमा विभिन्न ड्रोनको प्रदर्शन परीक्षण गरिएको थियो । परीक्षणको क्रममा ड्रोनले निर्दिष्ट लक्ष्यहरू नष्ट गर्यो । ड्रोनसँग जमिन, हावा र समुद्रमा शत्रुको लक्ष्यमा आक्रमण गर्ने क्षमता हुन्छ ।
यस समयमा उत्तर कोरियाली नेता किम जोङ उनले पनि ड्रोनको विकासमा कृत्रिम बुद्धिमत्ता प्रविधि सक्रिय रूपमा लागू गर्न आवश्यक छ । परीक्षणको क्रममा मिडियाले खिचेका तस्वीरहरूमा दुई सेतो आत्मघाती बमवर्षक ड्रोनले के-२ ट्याङ्कहरू जस्तो देखिने सिमुलेटेड लक्ष्यहरूलाई आक्रमण र नष्ट गरिरहेको देखाइएको थियो ।
प्रतिक्रिया