एनसेलको लाइसेन्स नवीकरण गर्ने सरकारको निर्णय, शुल्क चार किस्तामा तिर्न पाउने

काठमाडौं, १३ भदौ । सरकारले दूरसञ्चार सेवा प्रदायक कम्पनी एनसेललाई लाइसेन्स नवीकरण शुल्क वापत तिर्नुपर्ने रकम चार किस्तामा बुझाउन सक्ने सुविधा दिएको छ ।

आज बसेको मन्त्रिपरिषद बैठकले चार किस्तामा शुल्क तिर्ने सुविधा दिने निर्णय गरेको सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरुङले जानकारी दिनुभयो  ।

साथै, पछिल्ला किस्ता तिर्दा १० प्रतिशत ब्याज लिने निर्णय गरेको उहाँले बताउनुभयो ।