आफ्नै नागरिकलाई देश छोड्न स्वीडेनले पैसा दिने !

काठमाडौं, २ भदौ । स्वीडेनले आफ्नै देशका नागरिकलाई देश छाड्न प्रस्ताव गरेको छ । स्वीडेनका अध्यागमन मन्त्री मारिया मलमार स्टेनगार्डले प्रस्ताव प्रस्तुत गर्दै स्वीडेन संस्कृति मन नपराउने वा यहाँ आत्मसात गर्न नसकेकाहरूले स्वीडेन छोड्न सक्ने बताउनुभएको छ ।

युरोपेली वेबसाइट द नेशनलकाअनुसार यसअघि यो नियम विदेशबाट आएर स्वीडेनमा बसोबास गर्ने नागरिकका लागि लागू हुनेछ । जन्मजात नागरिकका हकमा पनि यो नियम लागू हुनेगरी प्रस्ताव गरिएको भएपनि आफ्ना नागरिकप्रति सरकार उत्तरदायी नभएको सन्देश जाने डरले सो प्रस्ताव अस्वीकृत भएको बताइएको छ ।

हालको नियमअनुसार स्विडेनी नागरिकले देश छोडेमा १० हजार स्विडेनी क्रोन । त्यस्तै, बालबालिकाले देश छोड्दा ५ हजार स्विडेनी क्रोन पाउने भएका छन् । यसबाहेक भाडाको पैसा पनि पाउँछन् । उनीहरूले यो पैसा देश छोड्नु अघि एकै पटक प्राप्त गर्ने बताइएको छ ।

अचम्मको कुरा के छ भने स्वीडेनमा देश छाड्नेको संख्या बढ्दै गएपछि यो प्रस्ताव पारित भएको हो । स्वीडेनको माइग्रेसन एजेन्सीकाअनुसार सन् २०२४ मा स्वीडेन आउनेको संख्यामा कमी आएको छ । यो ५० वर्षमा पहिलो पटक भएको हो ।

स्वीडेनमा देश छाड्नेको संख्या बढे पनि यहाँको जनसंख्या भने बढिरहेको छ । वास्तवमा, स्वीडेनका मूल निवासीहरू अमेरिका जस्ता देशहरूमा घर खोजिरहेका छन् । उही समयमा स्वीडेन आप्रवासीहरूको लागि मनपर्ने गन्तव्य बनेको छ । स्वीडेनमा आप्रवासीको संख्या २० लाख नाघेको छ, जुन स्वीडेनको कुल जनसंख्याको २० प्रतिशत हो ।

आप्रवासीहरूको बढ्दो जनसंख्यालाई नियन्त्रण गर्न सरकारले धेरै प्रतिबन्धहरू लगाएको छ । स्वीडेनमा सिरिया, सोमालिया, इरान र इराकबाट आउने मानिसहरूको ठूलो जनसंख्या छ ।

हालैका वर्षहरूमा स्वीडेनमा हिंसाका धेरै घटनाहरू रेकर्ड भएका छन् । प्रहरी तथ्याङ्कअनुसार स्वीडेनमा गत वर्ष कम्तीमा ३४८ गोलीबारी भएका थिए । जसमा कम्तीमा ५२ जनाको मृत्यु भएको थियो । हिंसाका यी घटनाहरूलाई आप्रवासीहरूको बढ्दो जनसंख्यासँग जोडिएको छ ।

स्वीडेनले नब्बे दशकदेखि ठूलो संख्यामा आप्रवासीहरूलाई होस्ट गर्दै आएको छ, तर अक्टोबर २०२२ मा उल्फ क्रिस्टर्सन प्रधानमन्त्री भएदेखि देशको नीति परिवर्तन भएको छ । उहाँको सरकार गठबन्धनको सहयोगमा चलिरहेको छ ।

यसलाई दक्षिणपन्थी स्वीडेन डेमोक्र्याटको पनि समर्थन छ । यो पार्टीले आप्रवासी विरोधीको नाममा राजनीति गर्छ । शरणार्थीले देशको संस्कृतिलाई मात्र नभई अर्थतन्त्रलाई पनि हानि पुर्‍याउने उहाँको विश्वास छ ।

आइफोनको मोहमा नग्न नाच !



राहुल गान्धी सेयरबाट कमाउँछन् मासिक १४ लाख भन्दा बढी



किम जोङ उनको तौल फेरि बढ्यो



बिवाह भएको तीन मिनेटमै डिभोर्स !

सिफारिस


संविधान दिवसको अवसरमा सैनिक मञ्च टुँडिखेलमा विशेष कार्यक्रम (फोटो फिचर)



संवैधानिक स्वतन्त्रताको उपभोग गरेर भविष्य सुरक्षित गर्नुपर्छ : प्रधानमन्त्री ओली



संविधानले विभेद र उत्पीडन अन्त्य गरी एकताको सूत्रमा आबद्ध गरेको छ : राष्ट्रपति पौडेल



एसइई नतिजामा उल्लेख्य सुधार ल्याउन नीतिगत पहल सुरु भइसकेको छ : प्रधानमन्त्री