एमालेका मनोनीत उपाध्यक्ष, २ स्थायी कमिटी सदस्य तथा १७ केन्द्रीय सदस्यको शपथ आज

काठमाडौं, २० साउन । नेकपा (एमाले)का मनोनीत उपाध्यक्ष, स्थायी कमिटी तथा केन्द्रीय सदस्यको आज शपथग्रहण कार्यक्रम रहेको छ ।

पार्टी सचिवालय बैठकबाट मनोनीत हुनुभएका पार्टीका एक उपाध्यक्ष, दुई स्थायी कमिटी सदस्य तथा १७ केन्द्रीय सदस्यलगायतले आज शपथ लिँदै हुनुहुन्छ । गत साउन १७ गते बसेको पार्टी केन्द्रीय सचिवालय बैठकले उहाँहरूलाई मनोनीत गरेको थियो ।

उहाँहरूलाई पार्टी अध्यक्ष एवं प्रधानमन्त्री केपी ओलीले शपथ गराउने कार्यक्रम रहेको छ । बिहान ११ बजे पार्टी केन्द्रीय कार्यालयमा हुने कार्यक्रममा विभिन्न पार्टी परित्याग गरी एमाले प्रवेश गर्नेलाई पार्टीमा स्वागत गर्ने कार्यक्रमसमेत रहेको छ ।

यसबाहेक आज प्रधानमन्त्री ओली मछिन्द्रनाथको भोटो देखाउने जात्रामा सहभागी हुने कार्यक्रम छ । उहाँ अपराह्न ३ः५० बजे कार्यक्रममा पुग्ने प्रधानमन्त्रीको सचिवालयले जनाएको छ ।

आज साँझ भने भौतिक मन्त्रालयअन्तर्गतको प्रमुख निकाय सडक विभाग मातहत आर्थिक वर्ष २०८०/०८१ मा विकास कार्यक्रमको वार्षिक प्रगति समीक्षा कार्यक्रममा प्रधानमन्त्री सहभागी हुनुहुनेछ ।  कार्यक्रम होटेल हिमालय कुपण्डोलमा अपराह्न ४ः४५ बजे पछि सुरु हुँदैछ ।

सहकारी छानबिन विशेष समितिको प्रतिवेदन सार्वजनिक



पत्रकार महासंघको निर्वाचन अनिश्चितकालका लागि स्थगित



कटहरियामा मोटरसाइकल दुर्घटना हुँदा एक जनाको मृत्यु



सुनचाँदीको मूल्य बढ्यो, तोलाको कति पुग्यो ?

सिफारिस


संविधान दिवसको अवसरमा सैनिक मञ्च टुँडिखेलमा विशेष कार्यक्रम (फोटो फिचर)



संवैधानिक स्वतन्त्रताको उपभोग गरेर भविष्य सुरक्षित गर्नुपर्छ : प्रधानमन्त्री ओली



संविधानले विभेद र उत्पीडन अन्त्य गरी एकताको सूत्रमा आबद्ध गरेको छ : राष्ट्रपति पौडेल



एसइई नतिजामा उल्लेख्य सुधार ल्याउन नीतिगत पहल सुरु भइसकेको छ : प्रधानमन्त्री