काठमाडौं, १४ साउन । पोखरा महानगरपालिका वडा नम्बर २१ को फुर्सेखोलामा भएको स्कुल बस दुर्घटनामा एक जनाको मृत्यु भएको छ ।
दुर्घटनामा बसका सहचालक आरती विकको मृत्यु भएको पोखरा-२१ का वडाध्यक्ष दीपकप्रसाद सुवेदीले जानकारी दिनुभयो ।
सोमबार बिहान एलपी देवकोटा मेमोरियल इंग्लिस स्कुलको ग १ क ६२१९ नम्बरको बस फुर्सेखोलाको घुम्तीमा सडकबाट करिब ६० मिटर तल खसेको थियो ।
बसमा २२ जना विद्यार्थी, एक चालक र एक सहचालक गरी कुल २४ जना सवार थिए । उनीहरुको पोखराका विभिन्न अस्पतालमा उपचार भइरहेको प्रहरीले जनाएको छ ।
प्रतिक्रिया