दाङ, ९ साउन । लुम्बिनी प्रदेशका नवनियुक्त मुख्यमन्त्री चेतनारायण आचार्यले पद तथा गोपनीयताको शपथ ग्रहण गर्नुभएको छ ।
बुधबार बिहान प्रदेश प्रमुख अमिक शेरचनले मुख्यमन्त्री आचार्यलाई पद तथा गोपनीयताको शपथ गराउनुभएको हो ।
एमाले संसदीय दलका उपनेता आचार्य सोमबार एमालेका २९ र कांग्रसका २७ गरी ५६ सांसदको समर्थनमा मुख्यमन्त्री नियुक्त हुनुभएको थियो ।
८७ सदस्य प्रदेशसभामा सरकार गठनको लागि ४४ सांसदको समर्थन आवश्यक पर्छ । लुम्बिनी प्रदेश सभामा एमालेका २९ र कांग्रेसका २७ सांसद छन् ।
प्रतिक्रिया