काठमाडौं, ६ साउन । नेपाली कांग्रेसको संसदीय दलको बैठक आज बस्दैछ ।
नयाँ बानेश्वरस्थित संघीय संसद भवनको ल्होत्से हलमा बोलाइएको बैठक मध्याह्न १२ बजे सुरु हुनेछ । बैठकमा प्रधानमन्त्री केपी शर्मा ओलीलाई ओलीलाई विश्वासको मत दिने निर्णय गर्दै सांसदहरुलाई अनिवार्य संसदमा उपस्थित हुन भनिने बताइएको छ ।
त्यस्तै, बैठकमा समसामयिक राजनीतिक विषयमासमेत छलफल हुने बताइएको छ ।
आज आइतबार प्रधानमन्त्री ओलीले प्रतिनिधि सभाबाट विश्वासको मत लिँदै हुनुहुन्छ । प्रधानमन्त्री नियुक्त भएको ३० दिनभित्र संसदबाट विश्वासको मत लिनुपर्ने संवैधानीक व्यवस्थाअनुसार ओलीले विश्वासको मत लिन लाग्नुभएको हो ।
विश्वासको मत लिने प्रयोजनका लागि दिउँसो १ बजे प्रतिनिधि सभा बैठक बस्दैछ ।
संसदका दुई ठूला दल मिलेर बनेको सरकारको नेतृत्व गर्नुभएको एमाले अध्यक्ष ओली गत असार २८ गते प्रधानमन्त्रीमा नियुक्त हुनुभएको थियो ।
प्रतिक्रिया