काठमाडौं, ४ असार । टी–२० विश्वकपमा वेस्ट इन्डिजले अफगानिस्तानलाई १०४ रन अन्तरले परिाजित गरेको छ ।
आज भएको आफ्नो समूह चरणको अन्तिम खेलमा वेस्ट इन्डिजले सबैभन्दा ठूलो रन अन्तरले जारी विश्वकपमा जित निकालेको छ । २१९ रनको लक्ष्य पछ्याएको अफगानिस्तान १६ ओभर दुई बलमा ११४ रन बनाए अलआउट भयो ।
अफगानिस्तानका इब्राहिम जद्रानले ३८, अजमतुल्लाह उमरजईले २३, राशिद खानले १८, करिम जन्नतले १४ रन जोड्नु बाहेक अन्यले दोहोरो अंक बनाउन सकेनन् ।
अफगानिस्तानलाई सस्तैमा रोक्न वेस्ट इन्डिजका ओबेद म्याककोयले सर्वाधिक तीन विकेट लिए । यस्तै, मुडाकेश मोती र अकिल हुसैनले दुई/दुई तथा आन्द्रे रसेल र अल्जारी जोसेफले समान एक/एक विकेट दिलाए ।
त्ययसअघि टस हारेर पहिले ब्याटिङ गरेको वेस्ट इन्डिजले निकोलस पुरनको आक्रामक ब्याटिङमा २१८ रनको ठूलो स्कोर खडा गरेको थियो ।
पुरणले ५३ बलमा ९८ रनको उम्दा प्रर्दशन गरे भने, जोनसन चार्ल्सले ४३, शाई होपले २५, रोभम्यान पावेलले २६ रन बनाए ।
अफगानिस्तानका गुलबदिन नाबीले २, नवीन उल हक र फजलहक फारुकीले समान एक/एक विकेट लिए ।
समूह ‘सी’बाट वेष्टइन्डिज र अफगानिस्तान दुवै सुपर–८ मा पुगिसकेका छन् ।
सुपर–८ को समूह २ मा रहेको वेस्ट इन्डिजले इंग्ल्याडसँग अर्को चरणको पहिलो खेल खेल्नेछ ।
प्रतिक्रिया