काठमाडौं, १८ जेठ । आइसीसी टी–२० विश्वकप क्रिकेटका लागि नेपाली टिममा एक जना चिकित्सक (टिम डाक्टर)लाई समावेश गरिएको छ ।
नेपाली टोली डाक्टरविहीन अवस्थामा अमेरिका पुगेको थियो ।
पछिल्लो समय टिम स्क्वाडका विषयमा चौतर्फी आलोचना भएपछि नेपाल क्रिकेट संघ (क्यान)ले अमेरिकामै चिकित्सकको व्यवस्था गरेको हो ।
नेपालबाट गएका चिकित्सकले प्रेस्किप्सन लेख्न नमिल्ने भएकाले अमेरिकामै व्यवस्था गरिएको टिम म्यानेजर प्रदीप मजगैयाले जानकारी दिनुभयो ।
नेपाली टिममा इन्टनरनल मेडिसिनका सिनियर डा. होमनाथ पन्तलाई समावेश गरिएको हो । उहाँ हाल सेन्ट एजनेस हसिप्टल बाल्टीमोरमा कार्यरत रहनुभएको छ ।
प्रतिक्रिया