डडेल्धुरा, २८ वैशाख । डडेल्धुराका एक युवक भारतको कालुपुर रेल्वे स्टेशनमा मृत फेला परेका छन् ।
डडेल्धुराको अमरगढी नगरपालिका–९ का २५ वर्षीय सागर विक भारतको अहमदाबादको कालुपुर रेल्वे स्टेशनमा बुधाबार मृत फेला पर्नुभएको हो । उहाँका आफन्तका अनुसार सागर अहमदाबाददेखि पन्जाब जान्छु भनेर ४ दिनअघि कालुपुर रेल्वे स्टेशनबाट हराउनुभएको थियो ।
खोजी गर्ने क्रममा टाउकोमा चोट लागेको अवस्थामा उहाँको शव सोही रेलवे स्टेशनमा फेला परेको बताइएको छ । परिवारले हत्याको आशंका गरेको छ । घटनाको विषयमा भारतीय प्रहरीले अनुसन्धान सुरु गरेको छ ।
प्रतिक्रिया
सम्बन्धित
सिफारिस