काठमाडौं । इन्डियन प्रिमियर लिग (आईपीएल) क्रिकेटमा सनराइजर्स हैदरावादले १० ओभरमै खेल जित्दै इतिहास रचेको छ । बुधबार राति भएको खेलमा हैदरावादले लखनऊ सुपर जायन्टसले दिएको १६६ रनको चुनौतीपूर्ण लक्ष्य ९.४ ओभरमा पूरा गरेको हो । जितसँगै हैदरावाद १२ खेलबाट १४ अंक बनाएर तालिकाको तेस्रो स्थनमा उक्लिएको छ । रनरेटमा पनि सुधार गरेको हैदरावाद प्लेअफमा पुग्ने सम्भावना पनि अत्याधिक बढेको छ ।
टस जितेर पहिले ब्याटिङ गरेको पाहुना टोली लखनऊका निकोलस पुरन र आयुष बडोनीको उत्कृष्ट साझेदारीका कारण लखनउले हैदरावादलाई १६६ रनको चुनौतीपूर्ण लक्ष्य दिएको थियो ।
हैदरावादका लागि ओपनिङ ब्याट्सम्यानले यो लक्ष्य १० औं ओभरमा नै पूरा गरेर इतिहास रच्न सफल भए ।
पहिला ब्याटिङ गर्दा लखनऊ सुपर जाइन्ट्सले पावरप्लेको ६ ओभरमा २ विकेट गुमाएर २७ रन मात्र जोडेको थियो । ओपनर क्विन्टन डी कक २ रन बनाएर सुरुमै आउट भए भने मार्कस स्टोइनिस ३ रन बनाएर आउट भए । यी दुवै ब्याट्सम्यानलाई भुवनेश्वर कुमारले पभेलियन पठाए । कप्तान राहुलले मध्यक्रममा सुस्त पारी खेल्दै ३३ बलमा २९ रन मात्र बनाए । राहुलको महत्वपूर्ण विकेट प्याट कमिन्सले लिए । यसपछि २४ रनमा ब्याटिङ गरिरहेका क्रुणाल पाण्ड्या रनआउट भए । एक समय लखनउले ६६ रनमा ४ विकेट गुमाएको थियो भने आयुष बडोनी र निकोलस पुरनले ५औं विकेटका लागि अर्धशतकीय साझेदारी गरेका थिए ।
निकोलस पूरनले २६ बलमा ६ चौका र १ छक्का सहित ४८ रन बनाए भने आयुष बडोनीले ९ चौका प्रहार गर्दै ५५ रनको महत्वपूर्ण इनिङ खेले । यी दुई ब्याट्सम्यानबीच ९९ रनको उत्कृष्ट साझेदारी थियो ।
निर्धारित ओभरमा लखनऊले ४ विकेटको नोक्सानीमा १६५ रन बनायो ।
सनराइजर्स हैदरावादका भुवनेश्वर कुमारले सर्वाधिक दुई विकेट लिए भने प्याट कमिन्सले एक विकेट लिए ।
१६६ रनको लक्ष्य पछ्याउने क्रममा ट्राभिस हेड र अभिषेक शर्माले तुफानी पारि खेले । पावरप्लेको पहिलो ६ ओभरमा दुवै ब्याट्सम्यानले १०७ रन बनाएका थिए भने लक्ष्य ९.४ ओभरमा पुरा भएको थियो । अभिषेक शर्माले २८ बलमा ८ चौका र ६ छक्का सहित ७५ रन बनाए । अर्को छेउमा ट्राभिस हेडले ३० बलमा ८९ रन बनाए । हेडले आफ्नो इनिङ्समा ८ चौका र ८ छक्का प्रहार गरे । हेड र अभिषेकको अगाडि लखनउका सबै बलर प्रभावहीन साबित भएका थिए ।
आईपीएलमा आज राति पञ्जाव किंग्स र रोयल च्यालेन्जर्स बेंग्लुरु आमने सामने हुने छन् । खेल पौने ८ बजे सुरु हुनेछ ।
गृहमन्त्रीले त अनुसन्धान गर्ने हो, दोषी भए कारबाही गर्ने हो, थर्काएर हुँदैन : गगन थापा
सिटिजन्स बैंकद्वारा बेनी अस्पताललाई वाटर फिल्टर सहयोग
‘रावायण’मा एयरलाइन्स पार्टनरका रुपमा जोडियो यति एयरलाइन्स
मुक्तिनाथ विकास बैंकद्वारा विद्यार्थीलाई पोसाक वितरण
प्रधानमन्त्रीले लिने विश्वासको मतमा जसपा सांसद सहभागी नगराउन माग गर्दै रिट दायर
संसदमा दीप श्रेष्ठको गीत सुनाउँदै रविले भने- जे सुकै भनुन् म बहुला होइन
ग्लोबल आइएमई बैंक र सिमेक्स इंकबीच सम्झौता
कानुनभन्दा माथि कोही छैन भन्ने भाष्य स्थापित भएको छ : प्रधानमन्त्री
काँग्रेसको नाराबाजीकैबीच विश्वासको मत लिँदै प्रधानमन्त्री
प्रतिनिधिसभाको बैठक १५ मिनेटका लागि स्थगित
प्रधानमन्त्रीलाई विश्वासको मत दिन रास्वपाको ह्वीप
उपेन्द्र यादवले दायर गरेको रिटको पेशी न्यायाधीश ढुंगानाको एकल इजलासमा
कोशी प्रदेश योजना आयोगको उपाध्यक्षमा डा. अधिकारी नियुक्त
