काठमाडौं, १९ बैशाख । नेकपा (एमाले) का उपमहासचिव विष्णु रिमाल भारत प्रस्थान गर्नुभएको छ । भारतीय जनता पार्टीको निमन्त्रणामा उहाँ भारत जानुभएको हो ।
भारतमा जारी लोकसभा निर्वाचनका क्रममा भाजपाले आफ्नो चुनावी अभियान अवलोकन गराउन एमालेसहित विभिन्न देशका १८ वटा राजनीतिक पार्टीलाई दिल्लीमा निम्तो दिएको हो ।
भाजपाको ग्लोबल आउटरिच कार्यक्रम अन्तर्गत ‘नो बिजेपी’ (know BJP) अर्थात भाजपाबारे बुझाउने उद्देश्यले यी दलका नेताहरुलाई दिल्लीमा स्वागत गर्न लागिएको भाजपाका विदेश विभाग इन्चार्ज डा.बिजय चौथाइवालेले जानकारी दिनुभएको छ ।
नेपालबाट यस कार्यक्रमका लागि नेपाली कांग्रेस, नेकपा एमाले,नेकपा माओवादी केन्द्र,राष्ट्रिय स्वतन्त्र पार्टी र जनमत पार्टीलाई निम्ता गरिएको छ ।
जनमा एमालेबाट उपमहासचिव रिमाल, कांग्रेसका उदय शमसेर जबरा, माओवादी केन्द्रका नेता मात्रिका यादव, रास्वपाका शिशिर खनाल र जनमत पार्टीबाट डा.जयकान्त राउत कार्यक्रममा सहभागी हुनुहुनेछ ।
यसक्रममा भारतीय विदेश मन्त्री एस जयशंकर र रेलवे मन्त्री अश्विनी बैष्णवसँग पनि अन्तरक्रिया गर्ने पनि जानकारी दिइएको छ ।
प्रतिक्रिया