काठमाडौं, १४ बैशाख । गृहमन्त्रालयले गण्डकी प्रदेश प्रहरी प्रमुखमा डीआइजी दुर्गा सिंह चन्दलाई पठाएको छ ।
यस्तै, मन्त्रालयले ६ जना एसएसपीको पनि सरूवा गरेको छ । जसअन्तर्गत काठमाडौं जिल्ला प्रहरी परिसरको प्रमुखमा एसएसपी वसन्त रजौरेलाई ल्याइएको छ भने प्रमुख भुपेन्द्र खत्रीलाई अपराध अनुसन्धान विभागमा पठाइएको छ ।
त्यस्तै, उपत्यका अपराध महाशाखाको प्रमुखमा एसएसपी सानुराम भट्टराईलाई ल्याइएको छ भने महाशाखाको प्रमुख सोमेन्द्रसिंह राठौरलाई सुरक्षा परिषदमा सरूवा गरिएको हो ।
प्रहरी प्रधान कार्यालय तालिम निर्देशनालयका एसएसपी अभयनारायण काफ्लेलाई कोशी प्रदेश तालिम निर्देशनालयमा पठाइएको छ भने कोशीका राजन अधिकारीलाई तालिम निर्देशनालय प्रधान कार्यालयमा तानिएको हो ।
प्रतिक्रिया
सम्बन्धित
सिफारिस