सलमान खानको घटनापछि बढाइयो शाहरूख खानको सुरक्षा

दैनिक नेपाल २०८१ वैशाख ७ गते ८:४०

मुम्बई, ७ वैशाख । सलमान खानको घर ग्यालेक्सी अपार्टमेन्ट बाहिर गोली हानाहान भएपछि शाहरुख खानको सुरक्षा बढाइएको छ ।

कुनै अप्रिय घटना नहोस् भनेर यस्तो गरिएको हो । शाहरुख चार दिनदेखि कोलकातामा थिए । जहाँ आईपीएलको खेल चलिरहेको छ । शाहरुख आफ्नो टिमलाई सपोर्ट गर्न त्यहाँ पुगेका थिए । उनी हिजो राति मात्रै मुम्बई फर्किएका थिए ।

शाहरुख खानको फ्यान क्लबले उनीसँग सम्बन्धित केही भिडियो शेयर गरेको छ । जसमा शाहरुख सुरक्षा घेरामा परेका छन् । यस सुरक्षामा गार्ड, प्रहरी र विमानस्थल सुरक्षाकर्मी देखिन्छन् । जसका कारण कुनै फोटोग्राफर पनि शाहरुखको नजिक जान सक्दैनन् । विमानस्थलमा पुगेपछि उनलाई सुरक्षा गार्डले घेरेको भिडियोमा देखिन्छ ।

शाहरुख खानको यो सुरक्षाको कारण सलमानको घर बाहिर गोली चलाएको घटनालाई प्रमुख कारणको रूपमा बताइएको छ ।

टाइम्सको रिपोर्टका अनुसार पुलिस र प्रशासन सलमानको घरमा भएको जस्तो दुर्घटना अब कुनै पनि सेलिब्रेटी कसैसँग होस् भन्ने चाहँदैनन् । त्यसैले शाहरुख खानको सुरक्षा बढाइएको छ । सलमान र शाहरुख उद्योगका ठूला नाम हुन् । यस्तो अवस्थामा कुनै पनि प्रकारको लापरवाहीले ठूलो परिणाम निम्त्याउन सक्छ ।

१४ अप्रिल बिहान करिब ५ बजे सलमानको घरमा दुई जनाले गोली चलाएका थिए । लरेन्स विश्नोईका भाइ अनमोल विश्नोईले फेसबुक पोस्टमार्फत यस हमलाको जिम्मेवारी लिएको दाबी गरिएको छ । तर, यो सामाजिक सञ्जालको खाता अनमोल विश्नोईको हो वा होइन भन्ने पुष्टि अझै कसैले गरेको छैन । प्रहरीले गोली प्रहारमा संलग्न दुवै अभियुक्तलाई अप्रिल १६ मा पक्राउ गरेको थियो । यस सम्बन्धमा थप कारबाही भइरहेको छ ।

सलमानले कुनै चिन्ता नगरी आफ्नो काम गर्न सक्ने प्रहरीले आश्वासन दिएको छ । किनभने प्रहरीले आफ्नो काम गरिरहेको छ । यस विषयमा धेरै कुरा गर्न केही छैन ।

घटना पछि महाराष्ट्रका मुख्यमन्त्री एकनाथ शिन्देले पनि सलमान खानसँग कुरा गरेका थिए । उनले मुम्बईका प्रहरी आयुक्तलाई सलमान र उनको परिवारको सुरक्षा बढाउन पनि आग्रह गरेका थिए ।