आईपीएलमा मुम्बईको तेस्रो जित, पञ्जाब ९ रनले पराजित

काठमाडौं, ७ वैशाख । इन्डियन प्रिमियर लिग (आइपीएल)अन्तर्गत गएराति भएको खेलमा मुम्बई इन्डियन्स विजयी भएको छ ।

मोहालीमा भएको खेलमा मुम्बईले पञ्जाब किंग्सलाई नौ रनले हरायो । एक सय ९२ रनको लक्ष्य पछ्याएको पञ्जाबलाई एक सय ८३ रनमा अलआउट गर्दै मुम्बईले आईपीएलको यो सिजनमा तेस्रो जित निकालेको हो ।

आशुतोश शर्माले विस्फोटक ब्याटिङ गरेपनि अन्तिम तीन ओभरमा मुम्बईका बलरले तीन विकेट लिँदा जित नजिक पुगेको पञ्जावले पराजय भोग्यो ।

७७ रन बनाउँदा ६ विकेट गुमाइसकेको पञ्जावका लागि आशुतोषले २८ बलमा दुई चौका र सात छक्का प्रहार गरेर ६१ रन बनाए । यस्तै शशांक सिंहले २५ बलमा ४१ रन बनाए ।

बलिङतर्फ जस्प्रित बुम्राह र जेराल्ड कोट्जीले तीन तीन विकेट लिए भने आकाश मधवाल, हार्दिक पाण्ड्या र श्रेयस गोपालले एकएक विकेट लिए ।

यसअघि टस हारेर ब्याटिङको निम्तो पाएको मुम्बईले २० ओभरमा सात विकेट गुमाउँदै एक सय ९२ रन बनाएको थियो ।

यसका लागि सुर्यकुमार यादवले ५३ बलमा ७८ रन बनाए । उनले सात चौका र तीन छक्का प्रहार गरेका थिए । रोहित शर्माले ३६ र तिलक वर्माले अविजित ३४ रन बनाए ।

बलिङतर्फ हर्सल पटेलले तीन विकेट लिए भने साम करनले दुई तथा कागिसो रबाडाले एक विकेट हात पारे ।

जितसँगै मुम्बई ६ अंक बनाउँदै तालिकाको सातौं स्थानमा उक्लिएको छ । समान खेलबाट चार अंक जोडेको पञ्जाव नवौं स्थानमा छ ।

टी-२० विश्वकप खेल्ने क्यानडाको टिम घोषणा, को-को परे ?



बोरुसिया डर्टमुन्डले पीएसजीलाई हरायो



पञ्जावसँग चेन्नई सुपर किंग्स ७ विकेटले पराजित



नेपाल र वेस्ट इन्डिज ‘ए’ बीचको चौथोँ खेल आज

सिफारिस


सुहाङको ‘लक्की सेभेन’ मत



चुनावअघि भिजेको बिरालो जस्ता प्रचण्ड पछि बाघ जस्तो गर्जन थाल्नुभयो : बाबुराम भट्टराई



उपनिर्वाचनले एमालेको लोकप्रियता प्रमाणित गरेको छ : प्रदीप ज्ञवाली



इलामको विकासको जिम्मा सुहाङले लिन्छन् : केपी शर्मा ओली