काठमाडौं, १ वैशाख । नेपाली राष्ट्रिय क्रिकेट टिमका कप्तान रोहित पौडेलले टी-२० क्रिकेटमा एक हजार रन पूरा गरेका छन् ।
रोहितले एसीसी प्रिमियर कपअन्तर्गत मलेसियाविरुद्धको खेलमा २८ रन बनाएका थिए । उनले यस खेलमा ५ रन बनाएसँगै टी-२० अन्तर्राष्ट्रिय क्रिकेटमा नेपालका लागि एक हजार रन पूरा गरेका हुन् ।
रोहितले ४४ खेलका ४२ इनिंगमा आफ्नो एक हजार रन पूरा गरेका छन् । टी-२० मा उनको उच्च रन ६१ रहेको छ ।
उनी नेपालबाट टी-२० मा एक हजार रन बनाउने तेस्रो खेलाडी बनेका छन् ।
नेपालका लागि टी-२० अन्तर्राष्ट्रिय खेलमा सर्वाधिक रन बनाउने खेलाडी दिपेन्द्र सिंह ऐरी हुन् । ऐरीले अहिलेसम्म १ हजार ४९६ रन बनाएका छन् । उनी पछि कुशल भुर्तेलले १ हजार ३७ रन बनाएका छन् ।
प्रतिक्रिया
सम्बन्धित
सिफारिस