काठमाडौं, २६ चैत । आगामी वैशाख १५ गते इलाम क्षेत्र नम्बर २ मा हुन लागेको उपनिर्वाचनको व्यस्त समयका बाबजुद आइतबार बेलुका फिल्म ‘महाजात्रा’ हेर्न काठमाडौं आइपुग्नुभएका पूर्वप्रधानमन्त्री तथा नेपाल कम्युनिस्ट पार्टी (एकीकृत समाजवादी)का सम्मानित नेता झलनाथ खनालले फिल्मको प्रशंसा गर्नुभयो । आइतबार बेलुकी आयोजित विशेष शोमा उहाँले फिल्म हेरेपछि भ्रष्टचारी नेतालाई गतिलो मुक्का प्रहार गरिएको भन्दै तारिफ गर्नुभयो ।
‘नेपाली जनताले अपेक्षा गरेको जस्तै फिल्म बनेको पाएँ । नेपाली समाजमा जुन प्रकारको भ्रष्टाचार, तस्करी छ र त्यसलाई नेताहरूले संरक्षण गरेका छन्, जसकारण देशमा युवा रित्तिएका छन् । फिल्मले गलत आशय राख्ने नेताको भण्डाफोर गरेको छ ।’ सुन्धाराको सिभिल मलस्थित क्युएफएक्समा फिल्म हेर्नुभएका नेता खनालले भन्नुभयो, ‘यो फिल्ममा अभिनेता हरिवंश आचार्यले आफ्नो पात्रमार्फत क्रान्ति नै गर्नुभएको छ । नेताहरू नसच्चिएसम्म देश बन्दैन्, यस्तो क्रान्ति पर्दा बाहिर पनि चाहिएको छ ।’
नेता खनालसँगै निर्देशक तुलसी घिमिरे, बद्री अधिकारी, अभिनेत्री गौरी मल्ल, अञ्जना बराईली, अभिनेता निश्चल खड्का, रेअर राई, आयुष्मान देशराज श्रेष्ठ, कमेडियन सन्दीप क्षेत्री लगायतले फिल्म हेर्नुभएको थियो ।
निर्देशक तुलसी घिमिरेले हँसाउने र रुवाउने दृश्यलाई एकसाथ पर्दामा ल्याउन सक्ने भन्दै लेखकसँगै निर्देशक रहेका प्रदीप भट्टराईको प्रसंशा गर्नुभयो । ‘यो फिल्मभन्दा पनि आँखीझ्याल झैँ लाग्यो । यहाँबाट देश, समाज र हाम्रो परिस्थितिलाई चिहाउन सकिन्छ । यस्ता फिल्मले दर्शकलाई पनि शिक्षित बनाउँछ, राम्रा उदाहरण पेस गरेको छ ।’ निर्देशक घिमिरेले भन्नुभयो ।
अभिनेत्री गौरी मल्लले पहिलो हाफमा हाँसो रोक्न निकै कठिन भएको र दोस्रो हाफ आफ्ना लागि सरप्राइज रहेको बताउनुभयो । कमेडियन सन्दीपले ‘जात्रा’ शृङ्खला यहाँसम्म आइपुग्दा परिपक्क हुँदै अगाडि बढेको बताउनुभयो ।
प्रदीप भट्टराईको लेखन तथा निर्देशन रहेको फिल्ममा अभिनेता हरिवंश आचार्य, विपिन कार्की, रवीन्द्रसिंह बानियाँ, रवीन्द्र झा, वर्षा राउत, अरविन खड्का, दिव्य देव, राजाराम पौडेल लगायतको अभिनय छ । निर्माण पक्षका अनुसार फिल्मले नेपालमा ११ करोड बढीको ग्रस कलेक्सन गरिसकेको छ ।
‘भेलु बाजे’को निधन 
ब्याण्डविथको रकम भुक्तानी नगर्दा इन्टरनेट सेवामा समस्या
सिधा कुरालाई अडिओ दिने तिमिल्सिनालाई पनि सर्वोच्चले बयानका लागि बोलायो
मोरङमा वीभत्स अवस्थामा एक महिलाको शव फेला
सुदूरपश्चिम विश्वविद्यालयको उपकुलपतिमा पन्त नियुक्त
यस्तो छ आजको विदेशी मुद्रा विनिमय दर, कुन देशको कति ?
कस्तो रहन्छ आजको मौसम ?
सुस्ताको विरोध गर्दा मलाई जेल कोच्नेहरूले राष्ट्रियताको कुरा गर्दैछन् : केपी शर्मा ओली
मुलुकको सम्वृद्विको नेतृत्व एमालेले गर्छ : मुख्यमन्त्री कँडेल
भारतका प्रधानन्यायाधीश चन्द्रचुड नेपालमा
६ जना सचिवको सरुवा
सय रुपैयाँको नोटमा चुच्चे नक्सा राख्ने सरकारको निर्णय
एमालेको पर्सा अध्यक्षमा शर्मा
कक्षा १२ को परीक्षा दिएर फर्किरहेकी छात्रामाथि गोली प्रहार
