काठमाडौं, २३ चैत । नेपाली चलचित्रका तीन सुपरस्टारहरू आर्यन सिग्देल, प्रदीप खड्का र पल शाहको अभिनय रहेको चलचित्र ‘पुजार सार्की’को रिलिज मिति घोषणा गरिएको छ । आगामी जेठ १० गते बिहीबार बुद्ध जयन्तीको दिन पारेर पुजार सार्की विश्वव्यापी रिलिज हुने भएको छ ।
चलचित्रका निर्देशक दिनेश राउतले नेपालसँगै नेपालीहरू रहेका विश्वका सबै देशहरूमा एकसाथ चलचित्र रिलिज हुने बताउनुभयो । राउतले भन्नुभयो, “निर्माता र नेपाल तथा अन्तर्राष्ट्रिय वितरकको सल्लाह बमोजिमको कार्यतालिका अनुसार यो मिति तय गरिएको हो। हामीले नेपालसहित विश्वव्यापी रूपमा एकसाथ चलचित्र रिलिज गर्नुपर्ने र हाम्रो कार्य तालिका अनुसारको उपयुक्त मिति जेठ १० गते नै हुन आएको कारण सो मितिमा चलचित्र रिलिज हुनेछ ।”
समीक्षात्मक तथा व्यावसायिक दुवै हिसाबले उत्कृष्ट बनाउने योजनामा रहेका निर्देशक राउतले यो चलचित्रलाई जातीय विभेद विरुद्ध समाजका तीन पात्रहरूले गर्ने साझा सङ्घर्षको कथा रहेको भन्दै आउनुभएको छ । एक पोस्टरमा निधारमा रातो टिका लगाएका अभिनेता प्रदीप खड्काले दमाह बजाइरहनुभएका छ भने अभिनेताद्वय आर्यन सिग्देल र पल शाह आ(आफ्नो चरित्रमा हुनुहुन्छ । अर्को पोस्टरमा आर्यनलाई भलाद्मी, पललाई नेतृत्वदायी र प्रदीपलाई केही निर्धो भूमिकामा चित्रण गरिएको छ ।
यस चलचित्रमा अभिनेत्रीद्वय अञ्जना बराइली र परीक्षा लिम्बुलाई पनि प्रमुख भूमिकामा देख्न सकिनेछ । चलचित्रमा मोहन निरौला, लोकेन्द्र लेखक, सुवास गजुरेल, विद्या कार्की, तारा शर्मा, शङ्कर आचार्य, प्रेम सुब्बा, गोविन्द रमण पराजुली, राजेश बिसुराल लगायतको पनि यस चलचित्रमा अभिनय रहेको छ ।
चलचित्रलाई सङ्गीतकार सुवास भुसालले निर्माण गर्नुभएको हो । एक दर्जन चलचित्रमा सङ्गीत दिनुभएका भुसालले पहिलो पटक चलचित्र निर्माण गर्नुभएको हो । यसमा पनि निर्माता भुसाल आफैले सङ्गीत तयार गर्नुभएको छ । हर्क साउद, बि. पाण्डे, दिनेश राउत र गणेश शाहीले यसका गीत रचना गर्नुभएको छ भने प्रकाश सपूत, शान्ति श्री परियार, केतन क्षेत्री, देबेन्द बराल र मुना थटालले स्वर दिनुभएको छ ।
राजेश श्रेष्ठको डिओपी रहेको पुजार सार्कीलाई सुप्रिम पराजुलीले सम्पादन तथा कलर ग्रेडिङ गर्नुभएको छ भने साउण्ड डिजाइन उत्तम न्यौपाने, ब्याकराउण्ड स्कोर शैलेश श्रेष्ठ, कस्ट्युम डिजाइन आशिष पौडेल, प्रोडक्शन डिजाइन कसम नेपाल, प्रोडक्शन कन्ट्रोल मनोज जोशी र प्रोडक्शन व्यवस्थापन विदुर मानन्धरको रहेको छ ।
‘भेलु बाजे’को निधन 
देशभर इन्टरनेट सेवामा समस्या
सिधा कुरालाई अडिओ दिने तिमिल्सिनालाई पनि सर्वोच्चले बयानका लागि बोलायो
सुदूरपश्चिम विश्वविद्यालयको उपकुलपतिमा पन्त नियुक्त
मोरङमा वीभत्स अवस्थामा एक महिलाको शव फेला
पूर्वराजा ज्ञानेन्द्र र कोमलले मनाए वैवाहिक वर्षगाँठ
ज्येष्ठ पत्रकारहरूका लागि जीवन निर्वाह भत्ताको व्यवस्था गरिनेछ : प्रधानमन्त्री
११ सयले घट्यो सुनको मूल्य
वेस्ट इन्डिजका क्रिकेटर थोमसलाई ५ वर्षको प्रतिबन्ध
कान्तिलोकपथ बन्द
नेपाल पत्रकार महासंघको केन्द्रीय महाधिवेशन काठमाडौंमा जारी
रास्वपा सचिवालय बैठक बस्दै, उपनिर्वाचनको समीक्षा गरिने
सहकारी रकम अपचलनको आरोप लागेको आफ्नै सांसदमाथि छानबिन गर्न राप्रपाको माग
