काठमाडौं, ८ चैत । इन्डियन प्रिमियर लिग (आईपीएल) २०२४ प्रतियोगिताको उद्घाटन खेलअघि चेन्नई सुपर किंग्सले आफ्नो कप्तान परिवर्तन गरेको छ ।
भोलि हुने उद्घाटन खेलअघि कप्तान महेन्द्र सिंह धोनीले कप्तानको जिम्मेवारी ऋतुराज गायकवाडलाई दिएका हुन् ।
चेन्नईले एक विज्ञप्ति जारी गर्दै यसको पुष्टि गरेको छ । विज्ञप्तिमा भनिएको छ, ‘एमएस धोनीले ऋतुराज गायकवाडलाई कप्तानी सुम्पेका छन् ।’
ऋतुराज सन् २०१९ देखि चेन्नई सुपर किंग्सको टोलीमा रहेका छन् । उनले यस अवधिमा आईपीएलमा ५२ खेल खेलेका छन् ।
कप्तानको फोटोसुटमा धोनी देखिएनन्
आईपीएलले आफ्नो सामाजिक सञ्जालमा प्रतियोगिता सुरु हुनुअघि सबै टोलीको कप्तानसहितको ट्रफी तस्वीर पोस्ट गरेको छ ।
तस्वीरहरुमा धोनी देखिएका थिएनन् तर उनको ठाउँमा ऋतुराज उभिएका छन् ।
𝐈𝐭'𝐬 𝐒𝐡𝐨𝐰𝐓𝐢𝐦𝐞!
The #TATAIPL is here and WE are ready to ROCK & ROLL 🎉🥳🥁
Presenting the 9 captains with PBKS being represented by vice-captain Jitesh Sharma. pic.twitter.com/v3fyo95cWI
— IndianPremierLeague (@IPL) March 21, 2024
आईपीएलले पनि एक पोस्ट सेयर गर्दै भनेको छ, ‘ऋतुराज गायकवाड चेन्नई सुपर किंग्सका नयाँ कप्तान हुन् ।’
Presenting @ChennaiIPL's Captain – @Ruutu1331 🙌🙌#TATAIPL pic.twitter.com/vt77cWXyBI
— IndianPremierLeague (@IPL) March 21, 2024
धोनीको कप्तानीमा चेन्नईले ५ पटक आईपीएलको उपाधि जित्न सफल भएको थियो । धोनीले गत सिजन आफ्नो कप्तानीमा चेन्नईलाई पाँचौं पटक आईपीएलको उपाधि जिताएका थिए । धोनीको नेतृत्वमा चेन्नईले २०१०, २०११, २०१८, २०२१ र २०२३ आइपीएलको उपाधि जितेको थियो ।
अब चेन्नईको कमाण्ड ऋतुराज गायकवाडले सम्माल्ने छन् ।
भोलिबाट सुरु हुने आईपीएलको पहिलो खेलमा साविक विजेता चेन्नई र रोयल च्यालेन्जर्स बेंगलोरबीच प्रतिस्पर्धा हुनेछ ।
प्रतिक्रिया