काठमाडौं, २१ फागुन । नेकपा (एकीकृत समाजवादी) का अध्यक्ष माधवकुमार नेपाल विरामी हुनुभएको छ ।
उहाँलाई भेट्न प्रधानमन्त्री पुष्पकमल दाहाल प्रचण्ड उहाँकै निवास कोटेश्वर पुग्नुभएको छ । नेता नेपालको स्वास्थ्य अवस्था बुझ्न र स्वास्थ्यलाभको कामना गर्न दाहाल कोटेश्वरस्थित निवासमा पुग्नुभएको प्रधानमन्त्रीको सचिवालयले जनाएको छ ।
नेपाल निवासमा दाहाल र माओवादी वरिष्ठ उपाध्यक्ष नारायणकाजी श्रेष्ठ पुग्नुभएको हो । यद्यपि दाहालले सत्ता साझेदारीका लागि एमालेसँग बनाएको नयाँ गठबन्धनमा नेपाललाई पनि सामेल गराउन चाहिरहेको र फकाउन त्यहाँ पुग्नुभएको बुझिएको छ ।
एमाले माओवादी नयाँ गठबन्धन वामपन्थी एकताको प्रयास समेत भनिएकाले अध्यक्ष नेपाललाई पनि सँगै लैजानुपर्ने दाहालको मत छ ।
प्रतिक्रिया