एमालेको चियापन सुरु, मेन्यूमा चिया, निम्की, लड्डु, केरा र भेज कट्लेट

काठमाडौं, १५ कात्तिक । नेकपा (एमाले) ले हिन्दुको महानचाड बडादसैंँ, तिहार, नेपाल संवत् र छठपर्वका अवसरमा आयोजना गरेको चियापन सुरु भएको छ ।

पार्टीको केन्द्रीय कार्यालय, च्यासल, ललितपुरमा सुरु भएको चियापानमा १२:३० बजेदेखि पार्टीका कार्यकर्ता र शुभेच्छुक र २:३० बजेपछि विशिष्ट पाहुना र आमन्त्रितकका लागि प्रबन्ध गरिएको केन्द्रीय कार्यालय सचिव डा. भीष्म अधिकारीले जानकारी दिए ।

चियापानको व्यवस्थापन बानेश्वर अर्पण बैंक्वेटले गरेको छ । चियापानको मेन्यूमा निम्की, लड्डु, केरा, चिया र भेज कट्लेट राखिएको छ ।