काठमाडौं, ३ कात्तिक । युद्वग्रस्त इजरायलमा मृत्यु भएका चारजना नेपालीको शव आइतबार नेपाल आइपुग्ने भएको छ ।
तेल अबिबस्थित नेपाली दूतावासले विज्ञप्ति जारी गर्दै पहिचान भएका चार विद्यार्थीको शव शनिबार नेपाल पठाउने जानकारी दिएको हो ।
नेपाल ल्याइन लागेका चार शव नारायणप्रसाद न्यौपाने, लोकेन्द्रसिंह धामी, दिपेशराज बिष्ट र आशिष चौधरीको रहेको दूतावासले जनाएको छ ।
सम्पूर्ण कानूनी प्रक्रिया पूरा भएका ४ विद्यार्थीको शव भोलि दिउँसोको १:२५ बजे फ्लाइदुबईको उडानबाट नेपाल पठाउन लागिएको हो । अन्य शव पहिचानको काम भइरहेको बताइएको छ ।
प्यालेस्टायनी लडाकु समूह हमासको आक्रमणमा परेर दश जना नेपाली विद्यार्थीको मृत्यु भएको छ । जसमध्ये ५ जनाको शव इजरायली सरकारले असोज २८ गते नेपाली दूतावासलाई हस्तान्तरण गरेको थियो।
नारायणप्रसाद न्यौपाने, लोकेन्द्र सिंह धामी, गणेश कुमार नेपाली, दिपेश राज विष्ट र आशिष चौधरीको शव इजरायल सरकारले दूतावासलाई बुझाएको हो ।
प्रतिक्रिया