काठमाडौं, २५ असोज । नेपाली कांग्रेसभित्रको चरम आन्तरिक विवाद सतहमै छताछुल्ल भएको छ ।
आज कोशी प्रदेशका संस्थापनइतरका सांसदहरूले पार्टी निर्णयविरुद्ध नेकपा एमालेसँग मिलेर सरकार बनाउने निर्णयमा पुगेसँगै कांग्रेसभित्रको विवाद छताछुल्ल बनेको हो । त्यतिमात्र होइन यो तहको विवादले पार्टीलाई फुटको संघारमा पुर्याउनेदेखि केन्द्रीय सत्तासमीकरणमा समेत गम्भीर प्रभाव पार्ने आंकलनहरू सुरू भएको छ ।
यस्तै, भारतीय प्रधानमन्त्री नरेन्द्र मोदी बिना कुनै जानकारी नेपालको भूमिमा आएर खुलेआम घुम्ने र तपस्या गर्नेसम्मको हर्कत गर्न थालेपछि देशव्यापी आलोचना सुरू भएको छ । भारतीय हेपाहा प्रवृत्तिका अघि नेपाल सरकार निरीह भएको भनेर समेत आलोचना सुरू भएको छ ।
यो विषयमा संसदमा समेत जानकारी र जवाफ माग गरिरहँदा सरकारले भने कुनै जवाफ दिएको छैन ।
हेरौँ आज दिनभरका मुख्य–मुख्य समाचारका हेडलाइनहरू–
मेयर बालेनविरुद्ध कुटपिट र लुटपाटको मुद्दा
उत्तर कोरियाबाट रुसमा हतियार ओसार्ने पाँच व्यक्ति र संस्थामाथि प्रतिबन्ध
एक लाखले अवलोकन गरे अनेरास्ववियुको ‘विद्यार्थी महोत्सव’
धरौटीमा रिहा भए रवि ओड
१० वर्षमा १० हजार मेगावाट विद्युत निर्यात गर्दैछौँ : प्रधानमन्त्री
इन्टरपोलबाट रेड नोटिस जारी भएका दुई फरार युएईबाट पक्राउ
धुलिखेलमा हुने डर्टबाइक रेसिङको टिकट आईएमई पेबाट खरिद गर्न सकिने
सामान्य प्रशासन मन्त्रालयमा पिएहरुको रजगज
सिटामोल पनि छैन् जिल्ला अस्पताल मुगुमा
लापसे गरी सवारी चलाउने ६ जना चालक नियन्त्रणमा
ललितपुरबाट हेटौंडा आउँदै गरेको कार दुर्घटना, ३ जना गम्भीर घाइते
गौतम गम्भीरलाई भारतीय क्रिकेट टोलीको नयाँ प्रशिक्षक बनाउने पहल सुरु
१२ वर्षीया बालिकालाई जबर्जस्ती करणी गरेको अभियोगमा वृद्ध पक्राउ
काठमाडौंको मनमैजुमा एक प्रहरी जवान मृत फेला
